السلام عليكم بنات ..
رجعتلكم ب بوست لمفضلات شهر اكتوبر بما اني ما نزلت ولا بوست لمدة شهرين تقريبا
انشغلت ف امور الدوام والامتحانات و و و و
..............................
ما اخترت وايد اشياء بس هالاشياء اللي اكثر شي عجبني هالفتره
و في بعد اشياء حبيت اضيفهم بس قلت اجربهم اكثر واعطيكم عنهم ريفيو بالمره انشاء الله بالبوست الجاي
نبدآ ب سيروم الشعر من كريستاس قبل شهر تقريبا قصيت شعري لين الكتف تقريبا حبيت اغير وكانت شوي الاطراف ميته و متقصفه ف بعد ما قصيت نصحتني بهالسيروم من كريستاس وااول مره اجرب شي من هاللاين هو دبل سيروم للاطراف
في مكانين لما اضغط تطلع مادتين وحده قوامها كريمي والثانيه مثل الجل الشفاف احطهم ع الشعر بعد ما اغسله و هو مبلل بس ع الاطراف، عجبني الصراحه احس الاطراف بدت تتغير ما صار في اي تقصف و نهاية شعري صار فيه لمعه اكثر يبين صحي
Alien Thierry Mugler
عطر الين من عطوراتي المفضله من زمان بس فتره ما استخدمته ورجعت استخدمه هالشهر احسه من العطور اللي مستحيل تملي من ريحته ما اعرف اوصف العطورات ب جبت لكم الوصف.
عطر الين يفتتح برائحة الياسمين الهندي الذي يطغئ علئ مقدمة العطر مع باقة من الازهار الانثويه الجذابه، بينمت قلب العطر مغرق في رواىح الاخشاب العطريه، آما خاتمة العطر فتحوي رائحة العنبر الابيض الدافئ
MARIO BADESCU || FACIAL SPRAY
سبري من ماريو بديستكو ب الصبار و ماء الورد
شي عجييييييييييب استخدمه قبل ما احط الميكب و بعد استغنيت عن الفيكس البلس احسه في فوائد اكثر
يرطب البشره استخدامي له بعد ما انظف بشرتي بالغسول قبل المرطب احط منه اكيد برجع اشتري ثاني
سعره جدا جميل ومناسب للكل
PINK BODY MIST FROM VICTORIA SECRET
بودي سبري من فيكتوريا اذكر كانوا مسويين عرض اخذ اثنين بسعر واحد اخذته مع السكرب بكتب عنه فالصوره اللي بعدها
ريحته سويت علء نظافه اكثر واحد عجبني من المجموعه وريحته ثابته
EXFOLIATING BODY POLISH FROM VICTORIA SECRET
بدي سكرب مع اويل من فيكتوريا سيكرت كلمة عجيييب شوي عليه ويني عنه من زمان الحلو فيه انه شوقر سكرب يعني يذوب بسرعه وريحته ثاااااااااابته ف يكون سكرب و ترطيب بالزيت و معطر فنفس الوقت كمل شهر تقريبا و قريب يخلص اكسد برجع اخذ ثاني.
BIODERMA BODY AND FACE MOISTURIZER
من مجموعة البشره الجافه و الجافه جدا
مرطب للجسم او الوجه كنت ماخذته للوجه بس حسيت ترطيبه قوي واااااايد ب بديت استخدمه للجسم اول مرطب استحدمه ترطيبه كذه قوي احط منه بعد الشاور الصبح قبل الدوام واارجع ونفس الترطيب ما احط ممرطب خلال اليوم اذا استخدمته و احطه فالايام اللي احس بشرتي وايد جافه تحتاج ترطيب قوي.
CARLI BYBEL PALETTE
باليت البلوقر كارلي بايل الغني عن التعريف اظن اغلب البنات عندهم الشي اللي حبيته فيه انه يجمع كل شي فيه الايشادو و الهايلايت اكثر من درجة ينفع لكل الدرجات من الفاتح لين اغمج درجه بالنسبه للايشادو تركيبته حلوه اللون واضح بالنسبه لي اكثر ثلاث الوان استخدمتهم هالفتره اخو ثلاثه من اول لاين درجات الموف مع العنابي الوانهن عجيبه مع بعض العنابي الاخير احطه ف نهاية العين والاثنين اللي قبل ف الكريس و الهايلايت استخدم الثاني والثالث من اليسار مع بعض البااليت بشكل عام جدا حلو.
MORPHE BRUSH E20
فرشة مورفي من المفضلات عندي هالفتره احسها مثل الكابوكي برش بس صغيره و تدمج الااماكن الصغيره
بالنسبه لي استخدمها لدمج الكونسيلر و الهايلايت اللي احدد فيه الحواجب ادمج فيها الكونسيلر اللي ع اي اثر فالوجه قبل الفاونديشن وادمج فيها البرايمر للجفن
وبكذيه اكون خلصت بوست مفضلات شهر اكتوبر ل 2016
ان شاء الله يعجبكم
