JULY SKIN FAVOURITES | 2016

السلام عليكم بنات

هذا اول بوست لي بالمدونه وان شاء الله يعجبكم  

 اول بوست لي بيكون عن مفضلاتي للبشره والشعر وريفيو عن رآيي بكل منتج

  

HIRSTYMUD Hydrating Treatment

 Glam Glow نزلوا سامبلز ميني للماسكات جربتهم كلهم بس الازرق اكثر واحد عجبني صراحه 

وحسيت ب نتيجه ف بشرتي من ناحية الترطيب استخدمه قبل للمناسبات قبل المكياج ب كم ساعه 

يعطيني نتيجه عجيبه يرطب البشره بشكل حلو ويبين المكياج احلئ اول ما استخدمه احس ب وخزات وحراره 

بس دقايق وتروح وبعدها يبدا يبرد علئ البشره بس صدق عجييييييييب ما اتذكر سعره اخذته من سيفورا.

 زبدة الشيا من ناو سولوشن

 المنتج الثاني زبدة الشيا طبعا معروفه فواىدها للبشره والجسم و الشعر

قوامها قوام اي زبده عاديه اكثرهم يستخدمها لترطيب الجسم ولها اكثر من استخدام 

انا شخصيا احب استخدمها لبشرتي ايام التقشير لانه تكون بشرتي جافه وايد 

و استخدمها للشعر فضييييعه تخفف النفشه اللي فالشعر و تزيد نعومته .

طريقة استخدامها للشعر : 

اخذ منها شوي واذوبه فالمايكرويف لين تصير نفس الزيت وادهن فيها شعري 

النتيحه فوريه بعد اول استخدام.

اخذتها من موقع Iherb استخدامه سهل جدا 

ان شاء الله بنزل بوست طريقة الطلب من هالموقع.

 Murad Invisiblur Perfecting Shield SPF 30 

برايم من مراد قريب يخلص استخدمه قبل الميكب شي عجيب يخلي البشره ملمسها مخملي 

يهيآها قبل الميكب شي وايد حلو يعبي الخطوط و الحفر واحلئ شي انه فيع حمايه من اشعة الشمس يسوي مثل الطبقه 

بين البشره والميكب و اذا استخدمته ما استخدم اي شي ثاني للمسام احسه انه يكفي ويطفي اللمعه فالتي زون 

للبشرات الدهنيه قوامه مثل السيلكون شفاف.

SKIN FOOD

BLACK SUGAR MASK 

  WASH OFF 

ماسك و سكرب و غسول من سكين فود شي فضييييييييع 

سكرب السكر بس مب خشن ع البشره السكر يذوب عند الاستخدام 

ممكن يصير ماسك وغسول و سكرب للبشره انا اكثر شي استخدمه ك ماسك و سكرب مرتين 

فالاسبوع احطه 15 دقيقه ع بشرتي بعدها ابده اسوي سكرب وايد ناسب بشرتي ينظف البشره من قلب

بس عيبه شوي وب بسرعه يخلص.

QV Cream

مرطب كيو في للبشره المرطب اللي ما اظن بستخدم غيره وايد ناسبني 

حلو مب خفيف و لا ثقيل علئ البشره واهم شي انه خالي من العطور و طبي استخدمه قبل الميكب 

وقبل النوم بعد السيروم.
مناسب للبشرات الجافه 

Avalon Organics 

Deep Moisturizing Shampoo and conditioner 

اورجانيك شامبو و بلسم من افالون للشعر للترطيب 

وايد ناسب شعري ما احسه قوي للفروه ولا للشعر عضوي و خفيف وينظف الفروه 

في انواع بس انا اخذت للترطيب من صيدلية حياة ف دبي كانوا مسويين عرض تاخذ واحد فري 

بس متوفر ف موقع Iherb.

وخلصنا اول بوست الحمدلله  ان شاء الله يعجبكم بنات 

واي اقتراحات للبوست الثاني فالكومنت.